من تجاربي

[قمر]

الموضوع ده مش مجرد وصفه بتنقل او حاجه سمعنا عنها الموضوع ده وصفه جربت وطلعت حلوه وعاوزين نشارك بيها


البيتزا


مقدير العجينه
2 كوب طحين ....
1/4 كوب سكر.....
1/3 كوب زيت ..
2معلقه لبن بودره ...
1/2معلقه ملح..
1معلقه خميره ....
1معلقه بيكنج بودر....
2 معلقه كبيره زبادي ...
مابين1 كوب الي1وربع كوب ماء دافي _(ليس سخن اوي ولا بارد اوي 'دافي' )




المقادير شكلها كتير بس العجينه ناجحه جدا

تخلط جميع المقادير ثم يضاف الماء ويعجن جيدا ويترك حتي يخمر ((حوالي نص ساعه))

الحشو
ماشروم
فلفل
بصل
طماتم
لحمه معصجه
فلفل اخضر
فلفل مخلل
زيتون مخلل

تقطع المقادير دي كلها وتتبل بالملح والفلفل

بالنسبه للصلصه انا عملتها

توم +زيت =يقلب حتي يصفر ويضع عليه صلصة طماطم ويسبك نوعا ما

بعد كده اول العجينه ما تخمر
تفرد باليد او بالنشابه وتوضع في صنيه يوضع عليها الصلصه المسبكه ويليها الجبن المزرولا (يترك جزء من الجبنه المزرولا علي جانب لا تستعمليه الا بعد دخول البيتزا الفرن )

ويفرد عليها خليط الخضار واللحم المقطع

تدخل البيتزا الفرن واول ماتستوي تطلع وترشي علي وشها حبة الجبنه اللي انت كنت شيلها علي جانب
وتدخل الفرن لمده دقائق (حتي لا تحرق الجبنه اللي علي الوش يادوب تسيح وطلعي البيتزا )

[أم سلمى]

السلام عليكم ورحمة الله وبركاته
تجربة جميلة وإن شاء الله أجربها
لى تجربة شبيهة بها
ولكن بدون صلصة ولا لحمة ولا مشروم
أكتفى بالجبن والفلفل الأخضر والزيتون وشرائح الطماطم
لتكون وجبة عشا خفيفة
جزاك الله خيرا

[قمر]

بطه في الفرن

بعد تنضيف البطه جيدا وقبل ان تتبل توضع في ماء مغلي علي النار لمده خمس دقائق فقط
في هذه الفتره تحضري طبق كبير او حله علي قد حجم البطه وتضعي فيه ماء وتلج وكتري التلج

بعد غلي البطه لمده خمس دقائق تنشل من الماء المغلي ثم مباشره في ماء به تلج

وتترك في هذا الماء البارد لمده من عشر الي ربع ساعه

تنشف البطه جيدا وتوضع عليها هذا الخليط

تتبل البطه جيدا بهذا الخليط وتغلق وتلف بورق فرن وتدخل الفرن لمده ساعه او ساعه ونص تبع الفرن وتبع نوع البط بعد كده طلعي البطه واكشفي الورقه ودخليها لمدة خمس دقائق تحمر

وبالهنا والعافيه

هذه الطريقه يمكن استعمالها بالفراخ ايضا

[أم سلمى]

السلام عليكم ورحمة الله وبركاته
جزاك الله خيرا

تتبل البطه جيدا بهذا الخليط
أين الخليط؟
شكرا لك على الطريقة

[قمر]

السلام عليكم ورحمة الله وبركاته
جزاك الله خيرا
أين الخليط؟
شكرا لك على الطريقة


ام سلمي الحبيبه شكرااااااااااااااااا للفت نظري اني حذفت الخليط وانا بلون المداخله



خليط التتبيل

2 بصل مفرومه
ورق لاورا
عصير نصف ليمونه
جنزبيل اما بودره او مهروس
معلقه عسل نحل كبيره (العسل طعمه مش بيبان في بس بيدي لون وطعم لذيذ)
ملح وفلفل