عبير جلال الدين
07-02-2011, 09:12 PM
السلام عليكم ورحمة الله وبركاته
من ميدان التحرير أرض الحرية والتحرير
هذا الميدان الذى خطاه كل سكان القاهرة والجيزة لمرات لاتحسب ،
لم نكن نحلم أن خطوات الحرية ستبدأ من هناك
...
هذا الحوار أجراه من أرض الحرية الأخ / المصمم الصناعى
إلى كل الدعاه إلى الرحيل عن ميدان التحرير .... إسمعوا
تعالوا نحل الموضوع بصيغة حوار بين معتصم فى الميدان ومعارض للبقاء فى الميدان
المعارض للإعتصام : - عاوز أعرف إنتوا لسة قاعدين لية مش أغلب مطالبكم إتحققت ؟!
المعتصم :- بس أهم مطلب لسة ما اتحققش وهو رحيل مبارك رأس النظام
المعارض للإعتصام : - ما الراجل مشكورا قال إنه مش هيرشح نفسه يعنى مجرد ست سبع شهور ويرحل
المعتصم :- مفيش ثقة مابينا وبين النظام – هو كل همه ان ميدان التحرير يفضي وبعد كده هيبيع ويشترى فينا ،وفى الست شهور دول قوات الشرطة ستعيد ترتيب نفسها وتستعيد قوتها بل وهتبقى أقوي من الأول وبدل ماكان بيتفاوض معايا وأنا الحلقة الأقوي هنتساوي ساعتها فى القوة بل يمكن هو يكون أقوي .
وكمان متوقعين سيناريوهات تانية يعنى هيجى على شهر أغسطس مثلا ويخلق أزمات قومية فى البلد – مثلا يخلق أزمة مياه أو وباء أو حتى حرب لاقدر الله أو أي شئ يخلى النظام يقول ياجماعة البلد فى حالة حرب أو أزمة ومش هينفع إنتقال السلطة ولا إنتخابات الأيام دى . وهنضطر آسفين إننا نأجلها .وطبعا محدش فينا هيقدر يتكلم وإلا هيكون مش خايف على مصلحة البلد..... ياجماعة ده نظام إتعود على المراوغة والكذب ومش هيسلم إلا تحت ضغط .
فكده إحنا مصدر قوة وضغط ومن البلاهة والسذاجة إننا نتخلى عنه
المعارض للإعتصام : - طب إذا ما حققوش مطالبكم إرجعوا تانى التحرير
المعتصم :- ياحبيبى بمجرد فض الإعتصام ستسيطر قوات الأمن على ميدان التحرير كما لم تسيطر عليه من قبل وتحكم السيطرة عليه بقبضة قوية جدااااا . والميادين الهامة برضه
ده بالإضافة إلى أن التعبئة الشعبية والتجمعات دى من النادر تكرارها لأن حماس الناس هيكون أقل. لذلك بنطرق على الحديد وهو ساخن
ده إذا ما إتخدناش كلنا ع المعتقلات والمحاكم العسكرية بتهمة قلب نظام الحكم وينفذ فى أغلبنا أحاكم الإعدام . علشان يدبحوا القطة للشعب عشان مايكررهاش تانى ويرجع تانى الخوف جوانا. وطبعا كل ده هيتم فى تعتيم إعلامى .
والنظام سيعيد ترتيب أوراقه و هيستوعب الدرس جيدا وخصوصا درس الإعلام , وهيضييق جدا على الصحافة والإعلام اللى كانت مصادر ضغط شديد جدا على النظام فى أيام الثورة.
المعارض للإعتصام : - طب ماهو هيحصل فراغ دستورى وفوضي فى البلد إذا الرئيس تنحى دلوقتى
المعتصم :- هقولك ان ده البعبع اللى بيخوفوا الناس بيه – ياعم اللى هيحصل بعد ست شهور يحصل النهاردة وفى الحالتين الإنتقال هيكون بنفس السيناريو . وهو إن النائب هيتولى مهام رئيس الجمهورية تحت إشراف لجنة متابعة من الشباب والشخصيات العامة والدستورية اللى هيختارها الشباب لحين إجراء إنتخابات . يعنى لاهيكون فى فوضي ولا فراغ دستورى زى ما بيخوفوكوا وبالعكس الفوضي مرتبطة بوجود النظام.
المعارض للإعتصام : - ياأخى حرام عليكوا احنا تعبنا ومش لاقيين الأكل ولا عارفين نقبض مرتباتنا
المعتصم :- ياأخى بقولك ضحينا بدم شباب زي الورد وإنت مش قادر تستحمل أزمة بسيطة فى أكل أو شرب لفترة صغيرة ! دى أقل ضريبة للتغيير وكلنا لازم نستحمل ونشارك .
المعارض للإعتصام : - ياعم إنتوا خليتوا البلد تخسر مليارات فى الأيام دى
المعتصم :- معاك حق ، بس كل المليارات دى ماتجيش واحد على مليون من اللى بيتسرق من البلد من سنين. متبصش تحت رجليك وشوف قدام أما كل الفلوس المسروقة تدخل خزينة الدولة .ونقضى على كل الفساد اللى في البلد . والله لمصلحتك ومصلحةعيالك ، منفسكش فى عيشة كريمة ياأخى
المعارض للإعتصام : - طب هتعملوا إية فى الرئيس إذا تنحى، هتطلعلوه بره البلد؟
المعتصم :- لأ الرئيس يتنحى معززا مكرما فى بلده ويتم تعيين حراسة خاصة له لتأمينه طوال فترة حياته وإذا أراد هو مغادرة البلد فله ذلك...... وفى نهاية الحوار سواء إتفقنا أم إختلفنا فكلنا مصريين وإخوة ونتمنى لبلدنا أحسن حال.
يااااااااااااااااارب إصلح الحال
من ميدان التحرير أرض الحرية والتحرير
هذا الميدان الذى خطاه كل سكان القاهرة والجيزة لمرات لاتحسب ،
لم نكن نحلم أن خطوات الحرية ستبدأ من هناك
...
هذا الحوار أجراه من أرض الحرية الأخ / المصمم الصناعى
إلى كل الدعاه إلى الرحيل عن ميدان التحرير .... إسمعوا
تعالوا نحل الموضوع بصيغة حوار بين معتصم فى الميدان ومعارض للبقاء فى الميدان
المعارض للإعتصام : - عاوز أعرف إنتوا لسة قاعدين لية مش أغلب مطالبكم إتحققت ؟!
المعتصم :- بس أهم مطلب لسة ما اتحققش وهو رحيل مبارك رأس النظام
المعارض للإعتصام : - ما الراجل مشكورا قال إنه مش هيرشح نفسه يعنى مجرد ست سبع شهور ويرحل
المعتصم :- مفيش ثقة مابينا وبين النظام – هو كل همه ان ميدان التحرير يفضي وبعد كده هيبيع ويشترى فينا ،وفى الست شهور دول قوات الشرطة ستعيد ترتيب نفسها وتستعيد قوتها بل وهتبقى أقوي من الأول وبدل ماكان بيتفاوض معايا وأنا الحلقة الأقوي هنتساوي ساعتها فى القوة بل يمكن هو يكون أقوي .
وكمان متوقعين سيناريوهات تانية يعنى هيجى على شهر أغسطس مثلا ويخلق أزمات قومية فى البلد – مثلا يخلق أزمة مياه أو وباء أو حتى حرب لاقدر الله أو أي شئ يخلى النظام يقول ياجماعة البلد فى حالة حرب أو أزمة ومش هينفع إنتقال السلطة ولا إنتخابات الأيام دى . وهنضطر آسفين إننا نأجلها .وطبعا محدش فينا هيقدر يتكلم وإلا هيكون مش خايف على مصلحة البلد..... ياجماعة ده نظام إتعود على المراوغة والكذب ومش هيسلم إلا تحت ضغط .
فكده إحنا مصدر قوة وضغط ومن البلاهة والسذاجة إننا نتخلى عنه
المعارض للإعتصام : - طب إذا ما حققوش مطالبكم إرجعوا تانى التحرير
المعتصم :- ياحبيبى بمجرد فض الإعتصام ستسيطر قوات الأمن على ميدان التحرير كما لم تسيطر عليه من قبل وتحكم السيطرة عليه بقبضة قوية جدااااا . والميادين الهامة برضه
ده بالإضافة إلى أن التعبئة الشعبية والتجمعات دى من النادر تكرارها لأن حماس الناس هيكون أقل. لذلك بنطرق على الحديد وهو ساخن
ده إذا ما إتخدناش كلنا ع المعتقلات والمحاكم العسكرية بتهمة قلب نظام الحكم وينفذ فى أغلبنا أحاكم الإعدام . علشان يدبحوا القطة للشعب عشان مايكررهاش تانى ويرجع تانى الخوف جوانا. وطبعا كل ده هيتم فى تعتيم إعلامى .
والنظام سيعيد ترتيب أوراقه و هيستوعب الدرس جيدا وخصوصا درس الإعلام , وهيضييق جدا على الصحافة والإعلام اللى كانت مصادر ضغط شديد جدا على النظام فى أيام الثورة.
المعارض للإعتصام : - طب ماهو هيحصل فراغ دستورى وفوضي فى البلد إذا الرئيس تنحى دلوقتى
المعتصم :- هقولك ان ده البعبع اللى بيخوفوا الناس بيه – ياعم اللى هيحصل بعد ست شهور يحصل النهاردة وفى الحالتين الإنتقال هيكون بنفس السيناريو . وهو إن النائب هيتولى مهام رئيس الجمهورية تحت إشراف لجنة متابعة من الشباب والشخصيات العامة والدستورية اللى هيختارها الشباب لحين إجراء إنتخابات . يعنى لاهيكون فى فوضي ولا فراغ دستورى زى ما بيخوفوكوا وبالعكس الفوضي مرتبطة بوجود النظام.
المعارض للإعتصام : - ياأخى حرام عليكوا احنا تعبنا ومش لاقيين الأكل ولا عارفين نقبض مرتباتنا
المعتصم :- ياأخى بقولك ضحينا بدم شباب زي الورد وإنت مش قادر تستحمل أزمة بسيطة فى أكل أو شرب لفترة صغيرة ! دى أقل ضريبة للتغيير وكلنا لازم نستحمل ونشارك .
المعارض للإعتصام : - ياعم إنتوا خليتوا البلد تخسر مليارات فى الأيام دى
المعتصم :- معاك حق ، بس كل المليارات دى ماتجيش واحد على مليون من اللى بيتسرق من البلد من سنين. متبصش تحت رجليك وشوف قدام أما كل الفلوس المسروقة تدخل خزينة الدولة .ونقضى على كل الفساد اللى في البلد . والله لمصلحتك ومصلحةعيالك ، منفسكش فى عيشة كريمة ياأخى
المعارض للإعتصام : - طب هتعملوا إية فى الرئيس إذا تنحى، هتطلعلوه بره البلد؟
المعتصم :- لأ الرئيس يتنحى معززا مكرما فى بلده ويتم تعيين حراسة خاصة له لتأمينه طوال فترة حياته وإذا أراد هو مغادرة البلد فله ذلك...... وفى نهاية الحوار سواء إتفقنا أم إختلفنا فكلنا مصريين وإخوة ونتمنى لبلدنا أحسن حال.
يااااااااااااااااارب إصلح الحال